Apadriñamento lector co CEIP Praia Xardín

 

Como cada final de curso, o alumnado dos nosos clubes de lectura achegouse ao CEIP Praia Xardín para unha sesión de lectura compartido cos rapaces e rapazas de 1º e 2º de Educación Primaria. Como o tempo non acompañaba, tivemos que botar man da biblioteca, os corredores, as escaleiras, e calquera recuncho que nos parecese xeitoso. 

A actividade resultou todo un éxito, e grandes e pequenos voltaron encantados ás súas aulas e desexando repetir. 

Moitas grazas, coma sempre, ao noso alumnado pola súa vontade de participar, e á xente de Praia Xardín que sempre nos recibe con tanto agarimo. Ameazamos con voltar, e o próximo curso por partida doble!

Redes, Eloy Moreno.

 

Por petición popular, marzo febreiro foi o mes de ler a nova novela de Eloy Moreno, que chegou a nós como a segunda parte de Invisible. Aínda que nos gustou moito a novela, non estamos moi de acordo con esta afirmación, pois non cremos que esté tan relacionada coa obra anterior. É certo que aparecen algúns dos personaxes de Invisible, pero como secundarios, e a historia é moi distinta da primeira. Isto non quere dicir que nos decepcionara ou non nos gustara, todo o contrario, pareceunos unha boa historia para reflexionar sobre o que facemos cos nosos móbiles, os perigos das redes sociais e a importancia da amizada. Pese a todo, a maioría de nós seguimos quedando con Invisible, unha historia que nos gañou o corazón e vemos máis cercana. 

Cal será a nosa próxima lectura? Agardámosvos por aquí para contárvolo!

La invención de Hugo Cabret; Brian Selznik.

 

Aproveitamos o descanso do Nadal para adentrarnos no mundo de Hugo, e fixemos a lectura de esta fantástica obra ilustrada que nos gustou moitísimo a todos e todas. Comentamos que nos tivemos que acostumar a ler tamén a través das imaxes, pois non toda a historia se conta a través das palabras nesta novela. Pareceunos apaixoante a historia de Georges Mèliés, moitos de nós incluso buscaron información sobre este personaxe real. Algunhas das frases que destacamos do libro foron:

- "Si alguna vez te has preguntado de dónde vienen los sueños que tienes por la noche, mira a tu alrededor y lo sabrás. Aquí es donde se hacen los sueños.”

- “Si dejamos volar nuestros sueños, podemos ser capaces de todo.”
- “Si dejas de tener un propósito en la vida es como... como si te rompieras.”

Esperamos que a próxima lectura nos guste tanto como esta!

Decembro: Snapdragon e cine navideño

 

Como estamos a piques de marchar de vacacións de Nadal, nesta ocasión fixemos unha reunión un pouco especial. Ademais de falar da nosa última lectura, a obra de banda deseñada Snapdragon, de Kat Leyh, fixemos unha pequena sesión de cinema con o Grinch. 

A todos e todas nos encantou o comic, unha historia que ten de todo: aventura, misterio, amizade, maxia, personaxes diversas... Recomendámosvos que o leades, tendes exemplares na biblioteca.

Veremos que lecturas estupendas nos agardan no novo ano!

Inauguramos curso con Ledicia Costas e A balada dos unicornios.

 Xa estamos de volta! E xa sabedes que neste club de lectura somos grandes siareiros da literatura fantástica, así que decidimos botar a andar este curso con esta novela fantástica (en tódolos sentidos) de Ledicia Costas. 

Gustounos moito a todas e todos, falamos arreo sobre a historia, sobre a súa protagonista, unha rapaza afouta que defende aos seus e non tolera as inxustizas, e fixemos un encrucillado sobre o libro.

A continuación deixámosvos algunhas opinións dos integrantes do club:

- "Gustoume que na historia aparecese unha persoaxe real, Jack o Destripador, unha figura de terror na vida real xa coñecida hai anos por ser un famoso asasino en serie. Encántame como describe as esceas e a maldade do personaxe. Entroume curiosidade e busquei na rede información sobre este personaxe. Y.E. 2ª ESO A.

- "O meu personaxe favorito é Nuno, xa que durante toda a historia se mostra superoptimista. Se che gusta a fantasía, esta é unha historia para ti". R.G. 2º ESO B

- "Pareceume un libro moi interesante, a miña personaxe favorita é Tic-Tac e a miña e a escena que máis disfrutei foi cando Ágata discute con Ofelia porque non a deixa ir ao cuarto de León". L.P. 1º ESO B

- "A historia está protagonizada por unha rapaza chamada Ágata que quere saber máis sobre o seu pasado e salvar ao seu amigo. A miña parte favorita é a discusión entre Ágata e Ofelia. Recoméndolle este libro a todos/as aos que lles gusten os libros de fantasía". A.R. 1º ESO B

Peche de curso. Última lectura e xantar.

 Na última sesión deste curso, os DeBoirolibros de 1º e 2º de ESO, ademais de compartir impresións sobre a nosa última lectura compartimos un xantar especial para pechar un novo ano de club.

Para rematar o curso lemos La ciudad de las bestias, de Isabel Allende, unha historia de aventuras con algo de maxia que nos levou a coñecer as tribus do Amazonas e a súa cultura e forma de vida, e que nos gustou moito a todos e todas nós. É o primeiro libro dunha triloxía que de seguro continuaremos o próximo curso. 

Despois de xantar, tomar uns xeados para celebrar a chegada do verán e falar sobre o libro aínda tivemos tempo de pasar un ratiño na nosa biblioteca xogando.

Última lectura dos DeBoirolibros de Bacharelato: Morir en primavera, de Ralf Rothmann

 

Para rematar o curso, o alumnado do club de lectura de Bacharelato aproximouse á Segunda Guerra Mundial con esta historia que rememora o fin da guerra, e como o viviron dous mozos reclutados que asisten a ese final caótico. Unha novela que, ademais de sobre a guerra fala sobre a amizade, o deber, a culpa... Cando remataron o libro, os alumnos e alumnas escribiron as súas propias "Postais dende a guerra", tratando de poñerse na pel de todos eses mozos obrigados a vivir o horror.